পুনৰ খোল খালে মহামৃত্যুঞ্জয় মন্দিৰৰ দুৱাৰ ।বিগত ১৬ জানুৱাৰীৰ পৰাই মন্দিৰভাগৰ নিৰ্মাণকাৰ্যৰ বাবে ভক্তৰ লগতে পৰ্যটকৰ বাবে বন্ধ কৰি দিয়া হৈছিল মহামৃত্যুঞ্জয় মন্দিৰৰ দুৱাৰ শনিবাৰে পুনৰ মুকলি কৰা হয় দুৱাৰ । বিশ্বৰ ভিতৰতে সৰ্ববৃহৎ লিংগাকাৰ মন্দিৰৰ দুৱাৰ
মন্দিৰৰ দুৱাৰ মুকলি হোৱাৰ লগে লগে আজিৰে পৰা মহামৃত্যুঞ্জয় মন্দিৰ প্ৰাংগণত আৰম্ভ হৈছে মহামৃত্যুঞ্জয় যজ্ঞ । শনিবাৰে পুৱা যজ্ঞৰ শুভাৰম্ভ কৰে মহামৃতুঞ্জয় মন্দিৰৰ ন্যাসৰক্ষী ৰিণিকি ভূঞা শৰ্মাই । ৰাজ্যৰ বিভিন্ন প্ৰান্তৰ লগতে বহিঃৰাজ্যৰ পৰাও বহু ভক্তই এই পৱিত্ৰ যজ্ঞ আৰু দৰ্শনৰ বাবে উপস্থিত হৈছে ।
এই সন্দৰ্ভত মৃত্যুঞ্জয় মন্দিৰ ট্ৰাষ্টৰ প্ৰতিনিধিয়ে কয়, “আজিৰ পৰা ইয়াত যজ্ঞ আৰম্ভ হৈছে । মহামৃতুঞ্জয় মন্দিৰৰ ট্ৰাষ্টি ৰিণিকি ভূঞা শৰ্মাই শুভাৰম্ভ কৰে । মন্দিৰৰ পুনৰ নিৰ্মাণৰ কামৰ ফলত মন্দিৰটো অধিক সুন্দৰ, সুৰক্ষিত আৰু ভক্ত-বান্ধৱ ৰূপে গঢ় লৈ উঠিছে ।” দুৱাৰ মুকলি হোৱাৰ লগে লগে ভক্তসকলৰ মাজত আনন্দ-উৎসাহ বৃদ্ধি পোৱা পৰিলক্ষিত হৈছে ।