শিৱসাগৰত মাৰণাস্ত্ৰ উদ্ধাৰ।
শিৱসাগৰ আৰক্ষীয়ে এটা খালী মেগাজিনসহ পিষ্টল জব্দ কৰে ।
জানিব পৰা মতে, আমগুৰিৰ পৰা শিৱসাগৰ অভিমুখে দুজন লোকে DL 3 CBD 7208 নম্বৰৰ এখন ফৰ্চুনাৰ বাহনত মাৰণাস্ত্ৰটো কঢ়িয়াই আনিছিল । বাহনখন আৰু মাৰণাস্ত্ৰৰ লগতে দুটাকৈ মোবাইল ফোনো আৰক্ষীয়ে জব্দ কৰে।
আৰক্ষীয়ে গোপন সূত্ৰে খবৰ লাভ কৰি শিৱসাগৰ নগৰৰ ASTC তিনিআলিত মাৰণাস্ত্ৰসহ ব্যক্তি দুজনক আটক কৰে।আটকাধীন ব্যক্তি দুজনক আৰক্ষীয়ে যোৰহাট জিলাৰ চেলেংহাট আৰক্ষী থানাৰ অন্তৰ্গত পদুমনি জাপিসজীয়াৰ পল্লৱ শইকীয়া ওৰফে মুন আৰু আনজনক যোৰহাটৰ ভৰত শইকীয়া বুলি চিনাক্ত কৰিছে।আটকাধীন পল্লৱ শইকীয়া ওৰফে মুন ভাৰতীয় সেনা বাহিনীৰ এজন অৱসৰপ্ৰাপ্ত জোৱান।
পল্লৱ শইকীয়া ওৰফে মুন পূৰ্বতেও গাহৰি চিণ্ডিকেটৰ সৈতে জড়িত থকাৰ অভিযোগ উত্থাপন হৈছিল। অধিক তথ্যৰ বাবে আৰক্ষীয়ে অনুসন্ধান অব্যাহত ৰাখিছে।