আজি ৰাহুল গান্ধীৰ জন্মদিন। ৫৬ বছৰ বয়সত ভৰি দিলে কংগ্ৰেছ নেতাগৰাকীয়ে।
কংগ্ৰেছৰ জ্যেষ্ঠ নেতাগৰাকীক জন্মদিনত শুভেচ্ছা জ্ঞাপন কৰিছে প্ৰধানমন্ত্ৰী নৰেন্দ্ৰ মোদীৰ লগতে দেশৰ কেইবাগৰাকী নেতাই । প্ৰধানমন্ত্ৰী মোদীয়ে সামাজিক মাধ্যম এক্স’ত পোষ্ট কৰি ৰাহুল গান্ধীক জন্মদিনৰ শুভকামনা জনায়।
প্ৰধানমন্ত্ৰী মোদীয়ে শুকুৰবাৰে কংগ্ৰেছ নেতা ৰাহুল গান্ধীক জন্মদিনৰ শুভেচ্ছা জনাই তেওঁৰ সু-স্বাস্থৰ লগতে দীৰ্ঘায়ু কামনা কৰে । প্ৰধানমন্ত্ৰী মোদীয়ে এক্স’ত এইদৰে লিখিছে, “লোকসভাৰ বিৰোধী দলৰ নেতা ৰাহুল গান্ধীক তেওঁৰ জন্মদিনত শুভেচ্ছা জ্ঞাপন কৰছো । তেওঁৰ সু-স্বাস্থ্য আৰু দীৰ্ঘায়ুৰ বাবে বাবে ভগবানৰ ওচৰত প্ৰাৰ্থনা জনাইছো ।”
ৰাহুল গান্ধীৰ জন্মদিন উপলক্ষে বাৰাণসীত কংগ্ৰেছ কৰ্মীসকলে গংগা নদীৰ পাৰত ৰাহুল গান্থীৰ ফটোত গাখীৰ ঢালি শুভেচ্ছা জ্ঞাপন কৰে ৷